درباره سایت
موضوعات
آرشیو
آذر 1392
تیر 1392
اردیبهشت 1392
اسفند 1391
بهمن 1391
آذر 1391
مهر 1391
خرداد 1391
فروردین 1391
اسفند 1390
آذر 1390
مهر 1390
مرداد 1390
خرداد 1390
دوستان
love
الشاعرعبدالحسین الباوی
دیوان العزم
رفیق تنها
قوافی
اهوازی ها
ملاشیه
الشعر الشعبی الاهوازی
علامه محمدالکرمی
ایت الله الکرمی
شعراء و ادباء الخفاچیه
الشعر الشعبی الشاعر سید حسن الشریفی
بهترین های اینترنت
شوش سرخه
موقع ادب الاهواز
ابوعارف مقدم
مرد مقدم
دیوان النبگان
الی من یحب الفلاحیه
سفیر کارون
دیوان مصطفی هلیچی
نخل اهواز
کارون موزیک
العربی
مدونه بلدنه
فریق مسرح المحراب
الشعر الشعبی الاهوازی
الشعر الشعبی
طراحی حرفه ای سایت و قالب وبلاگ
پیوندهای روزانه
امکانات
طراح قالب

اشعار عربیه

الی من احبه قلبی

نوشته شده در یکشنبه سوم آذر 1392ساعت 23:19

 

غابة الهجران

من توادعنه الصـــــبر کض بیــده فاس

وگام یگطع کــــــل شجر روض العمــــر

وصـــار درب الفرگه چن درب الصـراط

ویا هو یگدر من علــــــی الــفرگه یمر

من رحت مات الصبــــح ظل عندي لیل

لیل هندس بي شــــفت نجم الظــــــهر

الجروح اثیاب لبســـــــــن من جديــــد

ولاگـــــن اعلیهن فســــــاتین الحــــمر

استحي من اجروحي واغرگ بلـحیاء

للجروح الماشــــــــــفن شــاخلق عذر

ویـن ادورک! یا سـلف اســأل علیک؟

بیا قصاید الــــگه وجهــک یا کتـــــــر؟

ماي البوجـــهي خلص من گد بـــچاي

جربة اعیـــوني بغیابک بـــــــس تخـر.

اســرار حبک چانت بعينـــــي تعیــش

حدر رمش العیــن متغطیه بســـــــتر

ليش خليت الدمـع يفضــــح هــــواي؟

ومن بنات اســــــراري ينبـاگ الخدر؟!

غابة الهجران وحشـــــــــه ابلا امان

وروحي ظبيــه وساعة افراگــک نــمر

رد ولو لحظة امشـــــــابگ لـلــوداع،

ریتي عطشـــــانه النســـیمک یاعطر

یم ضریح الشـــــــوگ بانیلک مــقام

وگلبي شــــدّیته اعله شــــباچک نذر

طفل گلبی الهســــــه یدعیلک تــعود

جالـــــــس بحضرة مقامک  ینتــــظر

****

سید حسن الشريفي


نوشته شده در جمعه چهاردهم تیر 1392ساعت 20:58

جاي ترسم يا نهر؟

 

لا تســـــولف عالملح یــــم الجروح

بیها خوفه اجروحي من طاري الملح

ولا تدگ ابّاب شـــوگي القفله مـــات

ضــــاع مفتاحـــــــــه وابد ماینفـــتح

ماي وجهــــک لیش طشیته ومشیت؟!

هســـه محتاجه وبعد ماظن  یــــصح

جاي ترســــــم یانهر؟ ،بسـتاني جاف

صبخه صــــار وهاجـــرو منّه الفلح

اي ابشـــــــرک زوّجت کل الجروح

وگامن ابکل موســـــــم ایخلفن جرح

ابمســــجد احلامي چنت وحدک امام

وچان صدر اشـــعاري یمک ینشرح

عفیه بیک وجاي شایل مســــــتحاک

من بعد ما هدّمت ذاک الصـــــــــرح

بعده بضلوعي السهم لي هســــــه حار

خلّه یبرد من بعدها اطلـــــب صـــلح

اي بعدها اعیــــوني هاجرها النعاس

وبعده شعري امزاعل اعیون الصبح

اشگد غشـــــیم وصدّگت وجه الظلام

مادریت بشـــمعه وجــهک ینــفضح

وين اسافر والجنح جرحه غميـــــــج

الحر یموت احســـن اذا جرحه بجنح

لا تســــــولف عالعشگ للگلبه مات

اقــــرا فاتحتک بعـــد المــن تلــــــح

کلشي يبره وکل کســـر طبعه يطيب

بس کسر لحســــــاس ابد ما ينصلح

الف نعم الله  القصــايد بيـــــها حيل

فوگ شــــالنّــــــــي وبعد ما انطرح

شالن اعله اچتافهن شـــــاعر جریح

وعلی اچتاف الشـــاعر امخضّر رمح

****

سيد حسن الشريفي


نوشته شده در جمعه بیست و هفتم اردیبهشت 1392ساعت 19:0

 

فوس الصبر 

صرت شــــجره بغیابک جفها الفراگ

وغـدت فوس الصبر تگطع بلـــغصون

اغفّــي اجـــروح گلبي وارجع ارتـــاح

انامن والمــــواجع بیّـــــه یصـــــحون

یوازيني الشعر عثره بطريق الشـــوگ

وعلی اچــتـافي جرح هدّل لي لمتـــون

واخاطب دمع عيني وجدمي والـــروح

وين الیا مســــــير بحســن تمشون ؟!!

ویجاوبني الدمع يا شـــــاعر اشبيک!!

بسّــــک لا تســـــولف وانته مطعون

ایا شــــاعر رياض اوجــاعک اتفوح

ســـــکارا الناس ماظنهــــم یشــمّون

خلیــــنه بدربنــه انســــــير وانهـــيم

عســـــه انلاگي اثر من ذيچ الظعون

ومشـيت اویالعذاب ودفتـــري اویاي

مثل عشّـــــــاگ ايد اب إيد يمشـون

 مشيت وجدم فکري ابلا وعي ايسـير

ويجر بيّه الشـــعر يم جرف کــارون

وبديت اکتــــب فرح وتناســه الهموم

واغازل طین گاعــــــي البيها مفتون

وگلت باچر يجي رغماً علی الیــوم

وگلت سهله الگضت والیجبل ایهون

وبدیت ارســـــم امل بعیـــون الایام

الحلم یصبح حقیـــــقه وماهو اظنون

الشجر صح منکسر بس بعده مامات

اذا ما تنکســــــــر ما تقوه الغصون

****

سید حسن الشريفي


نوشته شده در یکشنبه بیستم اسفند 1391ساعت 18:21

نسمة عتب  

من اسولف ضیم هجرک للعصافیر

تحط یم بابــنه وما تقبل اتطــــــــیر

صار اســــنین حلمک ساکن العین

اجیب منین یوسف ینطي تفسیـــــر

نهر شوگــــک یبس ما ظل اثر بي

وماتت بالهجر کل النواعـیــــــــــــــر

عســــــــاها ابَخت کلمن گلک اتروح

وعســــاها اتصیبه دعوات المکاسیر

مو ایـــــــــــوب طبعي واصبر ابهاي

صرت شجره وعلي فزعت مناشیر

تفرهد کلشي بیه الحــیل والحـــــال

ابشرک ثمر زرعي ابلا نواطـــــــــیر

تعال و شـــــوف حالي ایبچي جلمود

مــثل ام الغریج وتشکــــــــي للبیر

مثل ضـــــایع ابوادي وکومة اذیاب

وین ایروح گلـــــــي ابیا جهه ایسیر؟

الصارن بیـــــک کلهن صارن اویاي

بس البیــــــــه ما ظن عندک ایصیر؛

 سید حسن الشریفی


نوشته شده در سه شنبه هفدهم بهمن 1391ساعت 19:52

دیره اخدود

دوّر اشـــــفافک حبيبي ارجوک زين

خاف باگــــي الأثر من اشـــــــفافـــي

اذنوب وايد زارع ابشــــفتک واخــاف

غيــري يحصد وآنه اظلّن غــــافــــي

عندي يم ديرة اخدودک ذکريـــــــات

اهناک چنت امشي ابخلگ متعــــافي

اهنـــاک ذبّيـــت الخجـــــل يم العقيق

اهناک چنت اشـــــرب زلالک صافي

اهناک کل جمري ولهب طول الغيـاب

ابشــارع احضــــانک وصدرک طافي

يا طعم شـــــمّة هوه ابصــدر الغريج

ويـا دوه الما اظن غيره ايشــــــافي

منته هافي البخت يا ريم الــــدلال!!

اشــــخله بختک للتــــودهم هافي ؟!

آنه سفّانک چنت ماعنــــدي خـــوف

ليــــش تکســـــر يا بــحر مجذافي؟

ريحة انفاسک بعدهي اعله الثــياب

وبعده ظل ذاک الاثــــــر بچتـــافي

وحتی لون الاحمر ابردن الغمـــيص

وحتی شبــگاتک اثرهن دافـــــــي

****

سيد حسن الشريفي


نوشته شده در پنجشنبه سی ام آذر 1391ساعت 11:44

راح اسافر

واترك اسنيني وراي

واطوي دفتر ذكرياتي

واحمل اهمومي اعله ظهري

واترك البستان والشط والنخل

واشلع النجمه ابسماي

خاف واحد يندل امچاني و يجي

ارد اشيلن گلبي من هذا النزل

ارد اعوفن دولة الحب

بيها مسموح القتل

بعد ميت زرع گلبي و مايخضر بي شتل

راح اسافر

واترك البيت البنيته

ابشعري واحلامي ودموعي

ارد اسدن باب گلبي

الما لمس ايد الاحبه

الضیعته الناس مني

و طفت ابهندس شموعي

راح أحطّ ابأرض مابیها غرام

حتي لا شوفن ابعيني

ينهدم بيت الحمام

والسلام

 

الشاعر:عبدالحسين الباوي


نوشته شده در دوشنبه بیستم آذر 1391ساعت 8:52

نخیتک

نخیتک والهضم تارس ادموع العین

وعلی اطراف البیابي اموچره العبره

نخیتک والذنوب ابلا عدد تنــــــقاس

وانت اعلم ابحال الشـــــــاعر وادره

نخیتک والصبر جف بریاض الروح

ومن بیر الصبر ماظل بـــــعد گطره

نخیتک والگلب ساحة مأسي وضیم

یزرع حزن روحه ویحصد الحسره

نخیتک والجــهل فایض نهر عالناس

وغشیم الراي یشرب من جرف نهره

نخیتک والارض تنزف نخل مذبوح

وعلی درب التفرق شیعو تـــــــمره

نخیتک والکســــــــر ماجبرّه الضمـّاد

الف شهر انتهن شیضمّـــد ابکــــسره

نخیتک والملح یمشی اعله جرح الگاع

وبـــدرب  المـــلح ما من بـــعد عثره

نخــیتک والحلم بات ابصدر اجیــــال

تعبنه منالمناطـــر ياهــــــو  الیفسره؟

نخیتک والسوالف خایفه مـن الجــای

وعلی الســــان الشعر تفتر الف شفره

نخیتک والشــــــمع ذاب ابجفن مظلوم

خلّص شمع عینه وشب شمع عمــــره

نخیتک والبشر صارت شجر مو ناس

وکــــل هاي الشـــــجر تتنطر الطبره

****

سید حسن الشریفي


نوشته شده در دوشنبه هفدهم مهر 1391ساعت 8:34

عيني متروسه سوالف

عيني متروسه سوالف ..لیش ما تسمع دمعها..

روحي تنزف.. ماکوغيرک مرهم ايداوي جرحها...

يا امس لا ما نسيتک ..بعده مابين الشعر والروح بيتک..

ما نسيتک.. لأن حتی ابيوم عفتک بالنفس تفتر لگيتک..

يا کحل عين القصاید ..رمده عين الشعر بعدک..

آنه من باب العتب داخل عليک ..

وحيل ادگ الباب حتی ابغيبتک لا تنسی وعدک..

....

لیش تحرم روحي تشرب ماي وصلک...

وانته تدري امنل عطش لحظه واموت ...

 انته تدري الخلگ خیط  و جسمي من فرگاک شمعه ..

 وانته تدري العمر یخلص لو خلص بالنار دمعه...

.وانته تدري اللیل خنجر یطعن ابظهر السکوت..

و آنه ساکت والعمر بالهم يفوت ...

وانته تدري الصبر حیره ..

 الصبر دیره..

و اترکتني ابگاع صبري و ما بگه بمتعاعی قوت ..

ردني یم شاطي الوادع ..

 ردني یم بحر الضیاع البي عفتني  ابحلگ حوت ..

 البی عذابی ...

و ذکریاتي ..

و حبل اعدام الکلام العفته بلساني یلوت...

کلشي یمک ما شکیت ...

وکلشي یمک ما حچیت ...

 ومن مشیت بس رفعت اچفوفي لله وفیّضت دمع القنوت ..

///

سيد حسن الشريفی


نوشته شده در پنجشنبه یازدهم خرداد 1391ساعت 22:3

نار الفرگه

احرگ ابروحی اشما ردت روحی اکبرت عالحرگه؛

بــــــس لا تچوییـــنی ابـجفه ماطیــــــق نار الفرگه؛

الــــروح جارحها الوکت بس مرهمک  داواهــــــا؛

لو حمّلت عنها ورحت مثلــــــک بعد ویـــــن الگه؛

مثلک یناغینی ابعشگ ماشـــــــوف بوجوه السلف؛

واللی اجـــــه ابعثگه الی مــــــا گرّبت من عثـــگه؛

لن بیک احس معنی الوفه والشوگ بعیونک مطر؛

الهاذ الســــبب گلبی الک للیوم ظل ابعشـــــــــــگه

مشـــــــتاگ کتلک من امـــس والیوم اگلک یاولف؛

من کثر ما بیـّه عشــــــگ صار النفس بس شهگه؛

الناس معذوره لون بالزاد تشــــــــــــرگ من تحن؛

آنه اشـــــــــکثر ماحـن الک بلمای صارت شـرگه؛

ومعذور قیس اشماکتب من وصّف آهــات الــهوی

آه العشـــــــگ ما تنحمل بـــــس تنتـــــهی بالـملگه؛

وملگاک یا وجه البدر صایر شــــحیح اعله المحب؛

وآنه ابطرگ خلـگ الصبر مجبور اداری ابخلگه؛

فاتح الک باب الگلب فوت ابجــساره ولا تــــــدگ؛

ومن تگعد ابوسط الگلب اروجک بــــــابه اتغلگه؛

سید حسن الشریفی


نوشته شده در سه شنبه پانزدهم فروردین 1391ساعت 18:15

 (ربیع النور)

فجنه ابحر دمنه و عاکسینه الروج

وچم ظالم سبحنه ابحوض تیزابه

حشانه امن المذله و للمجد ثوار

خل کل الخلیقه اتصیر سلابه

منصالح حکومات الفسق و الجور

ونهضت هالشعوب العزه طلابه

الذبت جرش وی الیهود اتشوف

تغذف گوم اهلها ابنار دبابه

من تونس الخضرا اشتعل مشعل نور

واجه الفرعون مصر واطرق ابوابه

شعب مختار نصب محکمه الطاغی

وزبانیة جهنم غثهم اغیابه

وابحرین شیعة علی المنصورین

وملک ال الخبیثه امکشر انیابه

يزيد اردود يحكم گام بارض الشام

والگالت نسوی اصلاح چذابه

ابن صالح شرد والعار یسحل بیه

شاف الموت مره و خسرت العابه

های الناس کلهه اتاثرت بحسین

و الینکر احسین انگوم نغتابه

عرفو کربله وثارو عله الطغیان

ومن نهج الحسین الکفر مرتابه

لومه احسین ما ثارت شعوب الگاع

وحکام العرب من نهضته اتهابه

هسه ایطر صبح وانرجع النه الداو

وانخنگه الظلام و نسرد اثیابه

ولصافح امریکه السری حتمأ جای

 وابوسط القصر ننصب الصلابه

 

(الشاعرعبدالحسین الباوی )


نوشته شده در سه شنبه پانزدهم فروردین 1391ساعت 18:13

بالمنام البارحه

 

بالمنام البارحه ابواهس حزین ..

 گبل تسیورة ادموعي و گبل لا يبدي الانین..

 وگبل لا صهوة افکاري اتغير بدروب الحنين..

دگدگن بيبان عيني ابيوت من مطلع قصيده ..

وفززن کلشي ابخيالي...

 و من جديد الشوگ خضّر سنبله ابگيعان بالي...

البارحه اطیور القوافي الفوگ طارن... وعلی اغصان افکاري حطّن..

البارحه احروف الشعر وگفن سره ابشارع احساسي  وما تعدّن ..

یا حسن حتی الطيور ابحالي حسّن.... غنوه بالحان الفجر للروح غنن...

 والاحاسیس اللي چانت نایمه اعلی افراش صمتي اردود فزن...

یاحسن صغتک قصيده...

واشعلتلک روحي يمها اتدفي چلمات اللي ترجف من شتاک ...و ردت کل ابيوتها ابنيراني يدفن...

يا حسن زفة غرام  البارحه ابین المشاعر..والقصايد چف فرحها ابشوگ حنن...

يا حسن والعرس دفتر.. والشعر عريس عربي.. والقصيده اهیا العروس ...

 والاقلام  البارحه الشعاري زفن ..

والحلم ظل صاحي بيه ...و غمضت عين الانين ..

واغلگت بيبان خلگي ابوجه دمعي..

وصهوة افکاري بعدهي اتسير بدروب الحنين...

سید حسن الشریفي


نوشته شده در سه شنبه یکم فروردین 1391ساعت 15:14

گمرة شعر

لا تضیج ..

الليله گمره و واهس الشاعر غميج ...والقلم وکّح اعیونه وباس دفترنه العتيج

الليله گمره و چنها لبست ثوب فرحه... و چنها مشتریه النهار و امل صبحه ...

و چنها منک خذت نور وگامت اترش بالطریج...

اللیله ما تنزل مدامع .. اللیله بس احلام خضره اتعیش بحضان الشوارع..

 اللیله صوتک عایش ابگلب المسامع وماکو احّد غيري سامع ...

لا تضیج ..

الليل یسترنه ابعباته... و الگمر یدعیلنا ابدعوة صلاته .. لا تضیج ..

ابهيده لا تکسر مجاریف السفینه.. ابهيده یا بحر الخليج ..آنه لوحي امنالعتيج  .

ابهيده گل امواجک اتراعي اليجيها ولا تهيج ..

ادري ضايج  بس اگلک لا تضیج...

 لا تضیج ..

باچر ايصير الصبح... والشموع اللي شعلناهن تموت ..

وباچر المسجون یطلع و ما یظل ابطن حوت ... ..

وباچر اورود الحديقه ایفوح من عدها الاریج ...

لا تضیج  ...

 

سید حسن الشریفی


نوشته شده در چهارشنبه سوم اسفند 1390ساعت 16:43

نسمة غزل

بارع بالغزل واحســـــاسي مرهف حیل

بس الخاطرک عیـــــن الغزل تســـــهر

یــــل شــعرک بحر غرّگ لیالي السود

واســـــــــوطل الشــــــعر یتأمّل المعبر

وصـل حد ضي جبینک والفجر شع نور

وجــــهک چن شمس من اگبــــلت نوّر

مشه ابســــاحة اعیونک لیـــــل یتبع لیل

ما بیــن الجفن و ارموشــــــــک اتعثّر

یل عینک قصائد طشـــــت اعله الروح

ونه الخاطــر اعیونک للبشـــــــر اشعر

یــــل شـفتــــک معادن لامه الیــــاقوت

والـرگبه ســـــــــوالف لو گلت تکثــــر

یل همســـــــک شعر واسوالفک انغام

ویل ریــــحة انفاســــــک تشــبه العنبر

ویــــل کلک ملح بـــس مو ملح مذموم

مملوح الوصف والشـــــــــافک اتحیــّر

ویل صدرک جبل بس طره نهر الشوگ

والشـــــــاف النـــهر من کیفـــــه یتمرمر

یل خصرک صدگ یشبه خصر کارون

اخاف اوصل اجروفک والشعر یسکر

ما اگدر اوصفک  وصفــــي یمک داخ

ولا عین الشـــــــــعر یمک بــعد تگدر

الـــک انثــر ازهیري و دارمي وموال

وابوذیة غرامـــــــي وهاتــــي والمیمر

واختـــــــــار الیعجبک بین هل اوزان

بــس کون ابوصالک احضه یل اسمر

  *****

سید حسن الشریفي 


نوشته شده در سه شنبه بیست و نهم آذر 1390ساعت 17:1

(الوصیه)

 

عربی و اسمی یبقی ابثگل ملک الموت

واعروشه اتراجف من یمر صیتی

ملاذانا و ستر للخایف و جوعان

وچم طالب ستر غطه خاچیتی

و انا الچنت اگص من لحمی وکت العوز

وما فرغت ابوجه الضیف صینیتی

و لو ما بالشفاعه انخص رسول الله

لعبرعالصراط افضل فومیتی

بس اصفن ابوچهی و شوف چم تاریخ

سجل بلفخر غیطان بیریتی

و من دمی سگیت الگاع صار اسنین

وابعین الخصم دگیت ساریتی

علی حقی زعول و حتی بیه اخبال

ومن تصعد الغیره اتثورجنیتی

مادور اقصور ولا ارید املاک

بس حب الاهواز الیوم مالیتی

ولا ادور طلایب حتی اشیلن صیت

بس هیه اطلایب تعتنی البیتی

امنیتی اشوفن یرف علم الجود

وبالدم للاهواز اکتبت توصیتی

وصیتی یا هلی موتی اعله گاع اهواز

وتچفنونی ابشرف بالحمره چفیتی

 الشاعر الاهوازی عبدالحسین الباوی

 


نوشته شده در یکشنبه بیست و چهارم مهر 1390ساعت 10:27

نکرنه الفرح لاچن منکرانه

الحزن و اسیوف هجرک منکرانه

لو اصبح یصاحب منکرانه

لعذب اهلک لئن منطوک الیه

 

 

ابنار افراکم یاخی وجنه

و دموع اغیابکم حرگت وجنه

حور العین ماریدن وجنه

ابجهنم راضی بس اتکون الیه

 

حنین النوگ مایوصل لحنای

و اشما الحن طلع بحزان لحنای

اذا جانی الخبر منکم لحنای (لحنی)

حتی اچفوف ذاک الشمت بیه

 

الشاعر سعید حیدری


نوشته شده در یکشنبه دهم مهر 1390ساعت 10:33

رساله الی الوطن

اتسودنه ابهواک وصار بینه اجنون

ورافـگـنه المــنایه وما جـزعناها

کل غیمه سخط تمطرعلینه اسموم

واحـنه ابلا زند یـهواز فـجناها

روح انــشد نـهـر کــارون

ابحبک هالنفوس اشلون بعناها

زعـنه الـعافیه امـن الـظـیم

بس عزت النفوس انچان زعناها

دروب العز ترا مفروشه بالباورد

وحفای الجدم للحگ مشیناها

استحسب نسکت اعله العار

ثرنه وعیشه الذل ما جرعناها

رادونه نبوس اچفوفهم وانطیع

مـتـنـه وعـیـب بـسـناها

الشاعرعبدالحسین الباوی

 

 


نوشته شده در چهارشنبه بیست و ششم مرداد 1390ساعت 18:32

4"]اليك وحدك يامن احييت قلبي وصار حبك كل حياتي .......اليك ياملهم اشعاري وحبك اول بداياتي فانت تاج مملكتي ...وانت بداية نهاياتي .........سالوني مره من داك الدي استوطن روحك وكيانك ؟؟......من داك المجهول الدي غير مسار ايامك ؟؟!!!.........من داك الغريب الدي زرع الامل في احلامك ؟؟؟............ومن داك الحب الدي ايقض سكونك وسباتك ؟؟؟
؟سالوني ..


هل هو جميل ؟؟........فقلت هده الكلمه قليلة عليه لانه هو الجمال نفسه !!!!فقالوا هل هو ثري ؟؟؟؟.........فقلت اكثر من دلك !!فكنوز الدنيا لاتساوي ملكه سالوني ...
هل هو كريم ؟؟؟...................فقلت اكثر اكثر من دلك فكرمه فاق عن حده ولااحد اطيب من قلبه !!!!
انه اجمل من كل الجمال !!....اغنية لم يغنيها فنان ....وقصيده لم يكتبها شاعر .....وفاق عجائب هدا الزمان !!!!لانه لحياتي العنوان ......وحبه استوطن الوجدان .......وهو لسفينتي الربان .......وهو لقصيدتي العنوان !!!اجل انه حبي الاول والاخير ..
فهو امي ..وابي ..وعائلتي ...احساسي ..انفاسي ..واشرعتي قلمي ..وكلماتي .وخاطرتي ..حدودي ...ووجودي وازمنتي .....انه وطني .....حبي الاول والاخير ......منه خرجنا واليه نسير ومهما بعدنا وتغربنا فاليه نعود ...ومهما قلنا سيكون قليل ...لانه اجمل واروع قصيده ....ولاني اراى نفسي ابنته الاولى والوحيده .......واني في عالمه اول مولوده واخر شهيده !!!!!انه باختصار قصة حب من نوع اخر وجد فريده ....قصة حب بدون حواجز او هواجس ودون قيود او قوانين شديده ,,,!!!حب عفوي عدري ...وعشق لحد الجنون حب ......لاينقص بقلبي ولو مثقال دره ....بل اني ملكه لوطلب مني ان ازيده اجل انه حبي الاول والاخير
نتمنى تنال اعجابكم


 


نوشته شده در سه شنبه بیست و پنجم مرداد 1390ساعت 18:55

يا أنا مال الدنيا ما فيها هنا
عذرا يا آنا فالحياة فانية
القلب ودع حياته
و الحب أعلن ضعفه
فعذرا يا آنا حياتنا بالعذاب تمتلئ

و العشق للمحبوب قد فني
...
كبرنا يا دنيا ,, ... و ظهرنا انحنى

والله يا أنا ...
ما عدت أعرف من أنا
الحبيب يحرق القلب وينسيه ألهنا
وعيوني أعلنت الحداد
وقلبي اقفل الأبواب "
مشاعري قد أهدرت ما بها
وبالحنايا الدموع تفجرت
وأحاسيسي بعثرت
فيدور الزمان وتمر الأيام ولا اعرف من أنا
فبالله عليكم إنني تائه ببحر الهواااا

فأجيبوني من أنا ؟؟؟؟


نوشته شده در دوشنبه بیست و چهارم مرداد 1390ساعت 11:58

ومـن انمـاذح الرباعیـات لمنسـوبة إلـی أبـی الخیر
لیلة الأمس حَدّثتُ الـحبیب أحادیث الحبِّ والوصال
فأخـذ یَنقـصُ الـعهـودَ ویـتجنّــی عـلّی فـی دلال
وانقضت اللیلة ولـم أحکِ من قصّة الحب إلا البدایة
ولا ذنب لیـل ولکـن قصهة الـحب لـیس لهـا نهـایة
 [18]

اذا تجلّی حبیبی
بأیَّ عین تِراه
بعینه لا بعینی
فمایراه سوا ه

چم طارش لعد اهوای ودیت

یخبرونه ابحیاتی اویاه ودیت

بالله والرسول وعلی ودیــــت

القسم لو هوه لو تحت الوطیه

   

وحـق الـنون ثم العین والـمه

حبیبی ویامه ردت اویاه والمه

لون یعرف عذاب الشوگ والمه

لچان اعرف ابهجره اشعمل بیه

   

بچیت ابحوریشگرمندمعلک

ونزف گلبی ابغیابک مندمعلک

روح ابـلا حسـافه ومندمعلک

تـعـثرک شارتی واتعـود الـیه

   

دمع تمساح دمعک منتهلهه

وانت قمة الخیانه و منتهلهه

یزی اتزامـط یخایـب منتهلهه

ترید ابن الکــفو وسداد فیه

   

اشتعل گلبی ابسعیره والتهابه

ولا من داوه علته والتهابه

انه کل الی تخشه والتهابه

صرت تالی ابکدر عیشی علیه

   

تبرت کل هلی وصاحت حمالای

الساتر من وگع و ارکس حمالای

چــنـت احسب هـلی بصد حمالای

اطلـعوا عـدوان الی بالموزمـیه

   

اقـسم بالـتـعـبده الـجان ونسه

حبیبی وجبت عـمری ایاه ونسه

اشلون ایصیر اعوف اهوای ونسه

لیالینه و سهرنه وحبه لیه

 

عـوفه الیترک الصاحـب وعاده

لان مـا یوفـی الـک بصـد وعاده

صارابهــالـزمـن مبــدا وعاده

الصاحب نص درب وایعوف اخیه

   

حبیبی مو بشرصدگ من املاک

ملکنی وگایل اشعندی من املاک

عـلیمـن هالـبعد یـشگر من املاک

حبیبی اشـلون ترضالی ابـاذیه

   

علیمن هالبعد منی من اهواک

واسکرلو تمرنسمه من اهواک

اهوای انت علی تسال من اهواک

الحیاة اویاک لو تحت الوطیه

   

سعید الحضه بودادک ونالک

وگلبی ابشجن من حسنک ونالک

اریـدنک الی یشگرونـالک

واضـمک بالـگلب مـو بـین ادیـه

 

الشاعرعبدالحسین الباوی

عـوفه الیترک الصاحـب وعاده    لان مـا یوفـی الـک بصـد وعاده

صارابهالزمن مبدا وعاده    الصاحب نص درب وایعوف اخیه

---------------------------------

حبیبی مو بشرصدگ من املاک   ملکنی وگایل اشعندی من املاک

عـلیمـن هالـبعد یـشگر من املاک   حبیبی اشـلون ترضالی ابـاذیه

----------------------------------

علیمن هالبعد منی من اهواک    واسکرلو تمرنسمه من اهواک

اهوای انت علی تسال من اهواک    الحیاة اویاک لو تحت الوطیه

-----------------------------------

سعید الحضه بودادک ونالک   وگلبی ابشجن من حسنک ونالک

اریـدنک الی یشگرونـالک   واضـمک بالـگلب مـو بـین ادیـه

الشاعر عبدالحسین الباوی


نوشته شده در دوشنبه بیست و چهارم مرداد 1390ساعت 11:22

علی اهموم العشگ عودنه الگلوب

وعلی خیل الصبر مشینه حبنه

وتعلم الحزن و الدمع و النوح

وزرعنه الطیب بدروب الیحبنه

وودینه الفرح بجناح الطیور

الک مرسال نهدیلک گلبنه

یمحبوب العشگ مو کلمه تنگال

ولا کلمت احبک سهله عدنه

های الناس حبهه بس بلوجوه

وحنه بگلب خضر عشگنه


نوشته شده در دوشنبه بیست و چهارم مرداد 1390ساعت 10:48

حبیبی الحال بعدک ماله راحه

ودلیلی اخلاف عینک ماله راحه

وحگ عینک یاخویه مالی راحه

الراحه اویاک من نگعد سویه

 

لن انحنی یا دهر لا لن انحنی

لو لا صلاتی ما عرفت الانحناء

عیثاْ اذا طلبو السخاء فاننی

ساطلب الغیث من رب السماء

 


نوشته شده در یکشنبه بیست و سوم مرداد 1390ساعت 12:20
auv
نوشته شده در یکشنبه هشتم خرداد 1390ساعت 12:52

الهــــجر يكتل يصاحب وانت داري


عليـــــك يخاف كلبي وانت داري

انـــت اهلي وعمامي وانت داري


انــــت امـــــــي وابـوي واخ اليه


 الی من احبه قلبی و هو بعیدا عنی


نوشته شده در سه شنبه سوم خرداد 1390ساعت 18:8
با سلام به مراجعه کنندگان عزیز